19 May Surf, Kaiak e peixes no CEIP Jose María Lage
O luns tivemos un completo programa de actividades con alumnos e alumnas do CEIP Jose María Lage que visitaron Foz para realizar actividades de surf e kaiak; e Burela para coñecer a súa lonxa. Unha completa e divertida xornada enmarcada no programa «Mares de Cultura, os Nenos e o Mar» promovido polo GALP A Mariña-Ortegal.
Durante a mañá os participantes realizaron un divertidísimo programa de surf e kaiak, onde probaron estas actividades acompañados do equipo de Gamus Surf e Maremasma.
Para rematar a xornada achegámonos a Burela para visitar a súa lonxa e coñecer as diferentes especies de peixe e marisco que se subastan alí. Aprendemos tamén a importancia do etiquetado do producto para distinguir os diferentes métedos de captura e identificar as capturas con artes de pesca selectivas. Para rematar a visita coñecemos o proceso de fabricación de xeo, un componente moi necesario para manter o peixe e o marisco fresco dende que sae do mar ata que chega as nosas casas.
