11 Jun O CEIP de San Cosme no Centro de Cultivos Mariños de Ribadeo
Durante a xornada de hoxe, os alumnos do CEIP de San Cosme visitaron o Centro de Cultivos Mariños (CECUMAR) de Ribadeo, nunha actividade enmarcada dentro do programa «Mares de Cultura, os Nenos e o Mar 2019», promovido polo GALP A Mariña Ortegal.
Os escolares aprenderon sobre organismos mariños e sobre a cría e cultivo de especies de moluscos bivalvos como as ameixas. Falamos tamén sobre os ecosistemas das rías, a importancia de coidar estes espacios naturais e a posta en valor do marisqueo.
Agradecer un ano máis a participación do CEIP de San Cosme na campaña escolar, e agradecer do mesmo modo a tódolos traballadores e investigadores do CECUMAR por abrirnos as portas por un día.